يا ولد من يوم عيوا بالاجازه

يا ولد من يوم عيوا بالاجازه
حضروا كشف الغياب وسجلوني

لي وليفٍ بين شقراء والمحازه
عهدنا به قبل تفريق الضعوني

وقائد المظهور فنه وامتيازه
كل برقٍ لاح صوبه ينجعوني

راكب اللي كن ضربه مع جرازه
ضرب وبل الصيف من غر المزوني

طالبك يا سعود مسح لي قزازه
والاديتر غلقه من ماء عيوني

واترك الباقي عليه مع جهازه
عطني المفتاح علك ماتهوني

لو تعرض له وعر والا غرازه
ما رحمت الجمس والكاين يكوني

دون هاك الزين ما للجمس عازه
وان طفا من دون خلي نزلوني

واحفروا قبري وحطوا له ركازه
وأقروأ الدنيا سلامي وادفنوني

وادعوا المعبود يغفر للجنازه
يرحم الميت وللحيين عوني

مجاراة الشاعر محمد السيلس العتيبي لقصيدة تراحيب
شاعر ٍ نجده تقارب مع حجازه

جاب شقرا للمويه من الشطونى
مشتهيله خايع ٍ ترتع جوازه

مير دونه طيبينٍ يحتمونى
قاارب القيعاان من كثر انتهازه

كلها لعيون سحاب الردونى
من طنخ معناه مدرى من عوازه

يامناعير ٍ تجونه علمونى
والله ان الطرق كايف في طرازه

جامعٍ ذرب المعانى والفنونى
ولا دفعنى غار ثقله في مرازه

داعب الهاجس وجاوبت اللحونى
والرجل لولا شموخه واعتزازه

كان مايحسب مع اللى يحسبونى
والسهم يخطى براسه مع عكازه

والهجوس احيان تخطيها الظنونى
والجبل راسي ولاجاه اهتزازه

يشهد الله والخلايق يشهدونى
ومن يبى قطع الحدود بلا جوازه

الخفر دون المحامل يذبحونى
يعلم الله لاغبون ولاحزازه

مار من باب الحميا واعذرونى
وياعسا تراحيب مايشكى عوازه

غانمٍ يذكر مع اللى يغنمونى
شامخ ٍ ثابت على العز ارتكازه

مع دروب جدوده اللى يذكرونى
والسلام اختام من حزم ٍ عزازه

ثابتٍ المبدا على مر القرونى