يا ولد من ساد نجد - عامر بن نوطان

في سلطان بن عبد العزيز آل سعود
حفظه الله:

مرحبا يا طيب الساس والمجنا الأصيل
يا ولد من ساد نجد وصان حدودها

مرحبا تريحبة الغيث صباب المخيل
يوم جا سيله على الأرض واخضر عودها

شوفتك يا سيدي تبري الجسم العليل
أنت عز الداريا نورها وسعودها

يا ذرانا يا سندنا ويا الفي الطويل
للوطن قدمت نفسك بكل جهودها

جعل حنا ما ندور لسلطان بديل
نادر روس العلا ضاري بصعودها

بك تحدينا الصعاب وكل المستحيل
كل عسرات صعيبة تحل عقودها

للرجال انت الدليله إلا ضاع الدليل
وانت فزعة كل يمنى تكل عضودها

كم نقلت الحمل عن واحد حملة ثقيل
وكفك البيضا علينا كثير جودها

لك يمين ما تضرت بمد بالقليل
كوكب ما ينحصي صدرها وورودها

ياهل العوجا إلا من فشل ولد الذليل
يا جبال راسيه ما تهز حيودها

في حماكم لبست المملكة ثوب جميل
والأفاعي موتت سمها بكبودها

مرخصين دونها العمر بالسيف الصقيل
لين ساعد السيف عقبانها وأسودها

دونها صقر الجزيرة جعل روحه سبيل
لين حررها أخو نوره وحل قيودها

ذلل الصعبات عاده على هجن وخيل
واصبحت تشكي حفاها وكثر الهودها

كم مشت به طلعة الشمس والاجنح ليل
درهمت به تحت بيض الليال وسودها

لا رقد ليله ولا زان نومه بالمقيل
ساق نفسه لي حقق لها مقصودها

أسس المبنى ومهد لجيل بعد جيل
وأصبحت في كل يوم تسير بزودها

واكملوا باقي المسيرة مزبنة الدخيل
شجرة والخير بفروعها وفنودها

إرجهن يا شعب وارتاح في جو جميل
السفينة طيبين الرجال تقودها

صاينين العهد شيالة الحمل الثقيل
شعبها مرتاح والحمل فوق زنودها

كاسب الطولات سلطان ما جا له مثيل
قلت كلمة حق والحاضرين شهودها

© 2024 - موقع الشعر