صبرا جميل

لـ سعد الشقحاء، ، بواسطة سعد الشقحاء، في غير مُحدد

صبرا جميل - سعد الشقحاء

الفكره اللي داعبت جو الخيال
عشت بمراحلها على الخط الطويل

وسط الرياض ومتجه وجهي شمال
الجو ممطر والهواء نسمة عليل

اسلي الخاطر ما دام الخط طال
و حلم يكون لحل زحمتنا سبيل

صحيت يوم العسكري في الخط حال
يقول لا تمشي ترى في الخط سيل

جيت اتفاهم معه معطاني مجال
يقول خطة سير عجل لا تطيل

قلت البلد من بعد جده عال عال
قال انظر بعينك و تلقى للدليل

شفت النفق مليان من جالا وجال
فيه استقر السيل عيا لا يسيل

وين المجاري يا رفيعين المجال
والا معاد لبندها طاقه وحيل

قالو سوالك وجهه يابن الحلال
يم الوزير اتوجهه والا الوكيل

قلت الوزير ونايبه صعب الوصال
لكن على مسؤولهم خلنا نميل

لقيت شخصن عايشن عيشة دلال
ان كان خدامه ثلاثينن قليل

هذاك لشاي و هذا لدلال
و هذاك سواقه و هذا له يشيل

الدوله تامن لهم رزقن حلال
وهمه على ذمته مكفول لكفيل

المسؤول لكن مايبي طرح السوال
مدري غبي والا من العظمه هبيل

الناس تسال والجواب اصبح محال
ردد معي يا بن الوطن صبرن جميل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر