صبراً جميل

لـ فهد المنصوري، ، في العتب والفراق، 64، آخر تحديث

صبراً جميل - فهد المنصوري

الضحكه اللي تمر تقول "عابر سبيل"
ردت علي السلام ف ليلةٍ مهلكه

جتني تشيل العتب بعد الفراق الطويل
‎تنشد وتسال متى سلك الفرح تشبكه

قالت علام الفرح ماله ف صدرك مقيل؟
‎ملامح الحزن صارت فيك مستهلكه

علّق هموم الليالي مع عبات الذليل
‎مابغاك تصبح لشمّات العرب مضحَكه

فضفض وعطني همومك لاتحط وتشيل
‎واللي على الصدر بارك حاول اتحركه

ان كان مظلوم / دوّر لك محامي وكيل
‎وارفع قضيه على خصمك وقوم اشتكه

وان كان صبرك نفذ " حسبك ونعم الوكيل
‎خلك مجاهد وصابر » داخل المعركه

قلت : اتركيني بحالي لو ظروفي تميل
‎لاني يهودي . ولاني من عرب .مشركه

صحيح صدري غدى تقول (مجلس بخيل)
‎لكنّ عندي يقين ف داخلي وادركه

بان (الفرج) مايجيك الا (بصبراً جميل)
‎‏اليا استوى جرحي المفتوق في مبركه

ماني على البوح ظاري من زمانن طويل
ولاحب درب الشكاوي من زمان اسلكه

ولاحدن بقادر عشاني يصنع المستحيل
‎عشان اخلّيه يعبث فيه ويجمركه

لاجمّة البوح تروي من ضمى "سلسبيل"
‎ولاحب ستر الصدور المغلقات اهتكه

شكواي دايم على الله (ولك شكراً جزيل)
‎على تعاملك بحساسن نقي تملكه

يالضحكه اللي من القلب الحزين العليل
‎ما دام فيني الى هالحين متمسّكه

بكره بتشرق علينا شمس يومٍ تحيل
‎عنّا ظلام الهموم وخشمها نفركه

واركب على الباب الايمن فوق اخر مديل
‎وامر واخذك معنا .. للفرح نمسكه

بس امهليني شويه … الين ارد الجميل
‎وعوّض اللي حرمتك منه .. واستدركه

طالبك يارب عفوك مالعفوك مثيل 🙏🏼
‎قبل استهل الدعا .. في منطقي واحبكه

اقسم لنا خشيتن (تهدي لحُسن السبيل)
‎منها لبيب العقل يسلَم من التهلكه

عبدك سجدلك وهو مكسور خاضع ذليل
‎خله مع اهل {الارائك والسرر}واتركه

اجعله يخشى عقابك (ف النهار الثقيل)
‎وُاقبُضه ،ساجد وخاشع لك ولاتهلكه

#فهد_المنصوري
——————

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر