ظلم الغلا

عشرت عمر ما تنسي كلها سرور
وشلون أنسى ما مضالي معاها

يبوني أبعد والغلا حيل محفور
في وسط قلب ماله إلا رضاها

لا ما تحمل رايهم دون ماثور
وأنا أعرف إني ماخطيت بهواها

مثلي تعاني من عنا الظلم والجور
ترفض أغيب بدنيتي عن سماها

عيدوا النظر في شوركم يا أهل الشور
لا تظلمو قلب يعانق رجاها

لا مر يوم دونها كنه شهور
تظلم مساحات الفرح من غلاها

هي دمعتي هي بسمتي وأجمل الحور
هي أول أفكاري وهي منتهاها

أهديتها قلب به الحب ممطور
وهي عطتني وقتها مع هناها

وإن قاله الله ماتلاقي بي قصور
من يومنا حتى أنتهى من دناها