منيرة

لـ خالد القصيّري، ، في غير مُحدد

منيرة - خالد القصيّري

يومين يا صاحبي نائف وأنا مواصِلْ
ساهر على النت وأسولف مع منيرهْ

نأخذ لنا فاصل ومن بعده نواصِلْ
نأكل من الفصفص ونشرب من البيرهْ

ومنيرة مهايطيّة مخها فاصِلْ
ما تسولف إلا عن البرّان والديرهْ

ومسلسل هياطها بالكذب متواصلْ
وأفلامها المرعبة تِدخلكْ في حيرهْ

تسمع قصيدي وتطلب منّي أواصلْ
وتزعل ليا جبت لأطراف النساء سيرهْ

وأقول يا فاضية عن هرجك الماصِلْ
وش عرّفك للرومانسيّة وللغيرهْ

وتقول جمر المحبة بالحشاء قاصِلْ
وأقول ياربّ صبّرني على منيرهْ

سهران يا صاحبي يومين والحاصلْ
المخ فاصل وطاح الدلو في بيرهْ

© 2024 - موقع الشعر