المكياج

يا فيصل الوجه ذا محتار في أمرهْ
ملامحه يا صديقي مُو طبيعيّة

يا فيصل البنت هذي كنّها الثمرهْ
الكاذبة لنّها ما هي حقيقيّة

حتى لو إنّ الشفايف كنّها الجمرهْ
إلا إنّها بنظرتي يا أخوي عاديّة

ما شدّني خصرها النّاحل ولا ضمرهْ
حتى لو يشوفها غيري خياليّة

تضرب على وجهها المكياج والحُمرهْ
وتقول أنا أجمل وأحلى ستّ وبنيّة

ما تملك أدنى ثقة بالنّفس هالزُمرهْ
وتشعر بنقص وغرور وضعف شخصيّة

يبقى الجمال المزّيّف لا ولا عُمرهْ
شدّ انتباهي وأنا شاعر رومانسيّة

ويلي على اللي ضِياء خدّينها قمرهْ
ما اتعَرْفْ مشغل ولا خلطات سحريّة

عيونها حُور وإلّا حَكْيَها خمرهْ
ريّانة العود والخدّين ورديّة

يا صاحبي غنّها ( طابت لنا السّمرهْ )
لبّا الجمال الطبيعيّ والطبيعيّة

مو طبعنا نقدّم القهوة بلا تمرهْ
لكنّ بعض السوالف شبه سريّة