بلاك بيري

قدّر الله واشتريت بلاك بيري
ضيفني يا مصدر أفراحي وشوقي

لجل تسمع ما تغنّابه ضميري
والقصيد اللي نزفته من خفوقي

أنت نبضي واشتياقاتي وطيري
منزلك فالقلب وأيضآ وسط موقي

بس تكفى طالبك لا تضيف غيري
خائف إنّك تنشغل ويطيح سوقي

وأوعدك ما أضيف غيرك يا عشيري
يا مُناي وصادق إحساسي وذوقي

هو فقط بضيف لي شاعر ظِفِيري
ومن عتيبة بس دعجاني وروقي

وأنت يا غازي ولد بدر الصّعيري
لا تعاتب والفخر حدري وفوقي

أعتذر فالقائمة ما أبغى مطيري
لجلِ يبقى حبّهم داخل عروقي