هروب

ابي اهجع شوي واحلم ابي الغي سنين الهم
ابي بحلمي تري عيوني عيوني ساليه ونعسى

ابي اصحى وانا مثله ما افكر ولا اهتم
ولا اسأل زماني ليه كذا دايم علي يقسى

ابي عقلي كما عقله لأني ما ابي افهم
ليه طرفي هجرغمضه وليه السهد به امسى

ابي طبعي مثل طبعه ابكي شوي واتبسم
ودمعي لا جرى بخدي بسرعه اضحك وانسى

ابي طيبته لي قدوه ومن رقته اتعلم
واحيا مثلما يحيا وباللي فيه اتأسى

أنا يا شاطي احلامي قسى حظي ورماني بيم
ومركب عمري الباقي يدور فيك له مرسى

ومن حقي اعيش مرتاح ومن حقي بَعَد احلم
بمفتاح الفرج والقاه وراعى الصبر ما يأسى

الا يا سائلي تدري عن اللي به انا مغرم
هذا اللي البراءه فيه وعينه هانيّه ونعسى

هذا اللي تحبه الناس وفي كل الصدور ينظم
وتضحك له القلوب بصدق وما به حد عليه يقسى