انا مالي من الاشواق - حمود ناصر عبدالله

أنا مالي من الأشواق الا ما مضى ومنسي
وجل العمر قد ولى وذبلت فيه اشواقي

وصار الشوق لي ذكرى وماضي غاب في أمسي
وقلبي من الوله خالي ومنه ما بقى باقي

بس السهد ما ولا وباقي في المقل يمسي
وباقي الليل ونجومه تهيم بشوق في احداقي

تهيَج بي هواجيسي وشاطي افكار به ارسي
يذكرني بمركب آه غارق وسط اعماقي

وآهات والم وجروح ترجف خوف من لمسي
وكف الغيم من حولي اذا تضمى الجفون ساقي

ليه يا ليل تذكرني وليه يا نجوم علي تقسي
مادام الشوق غصنه جف وعمري طير اوراقي

وكل الناس من حولي تشوف الشيب في رأسي
وتسخر مني ياليلي وانت تهيم في عناقي

© 2024 - موقع الشعر