من يوم واحنا اطفال

من يوم قابلتك .. صدفه وانا رحال
في دنيا اسألتك .. واتعبني الترحال
 
وهام بي التفكير .. في ليل الكلام
ومن غير اي تفسير .. نعس فكري ونام
وحلمت اني اطير .. ورجعني الهيام
 
لايام ماضي طاف .. كنا بها اطفال
فيها ما كنا نخاف .. من قيل ولا قال
........
نضحك سوى ونفرح .. وتضحك لنا الالعاب
ونجري سوى ونمرح .. وعنا الهنا ما غاب
ومن غير حرج نمزح .. وما همنا الأسباب
 
ونفترق في الليل .. وفينا البكا موال
ودمع الفراق يسيل .. ونبقى على ذا الحال
........
 
ومن التعب ننعس .. وفي احلامنا نلعب
ونبوس ضي الشمس .. ومنّا الفراش يقرب
ونعود مثل الامس .. ناكل سوى ونشرب
 
........
ونتزاعل ونتصالح .. ودمعنا اللي سال
في شفاهنا مالح .. وفي ضحكنا نختال
........
وجاني الجواب وانتي .. لومثلي فكرتي
لحظه بأسالتي .. اكيد كان نمتي
ياعمري وحلمتي .. ونفس الجواب قلتي
 
 
وعنك الجواب ما غاب .. وردك علي ماطال
وعرفتي انا احباب .. من يوم واحنا اطفال
........