في سوريا شفنا المجازر والاجرام

حبر القلم دمي ،،، لياجفت اقلام
والشعر صوتٍ له رسايل صريحه

والهاجس اللي مالفاني له ايام
الله يسامح من دعاه ويبيحه

اقبل يشيل الهم ويجر الاحلام
من عقب ماهي بالدفاتر طريحه

والمح بوجهه واقعٍ كنه اوهام
وسرٍ بقلبه حافظه مايبيحه

وفي عينه الصورة تصور لنا الشام
والذله وخزي العرب والفضيحه

في سورياشفنا المجازر والاجرام
بيدين سودان الوجيه القبيحه

ماعندهم رحمه ولاذرة اسلام
نعجه تقود العايبه والنطيحه

الله يعجل يوم حكمه بالأعدام
وينهار حكمه ويتعجل مطيحه

ويعود وقتٍ فيه فيصل وصدام
وابوعمامه مايغادر ضريحه

تكفى يبومتعب قد الجيش قدام
عيالك اصحاب القلوب النصيحه

نبا نولعها على رووس الاقزام
ثم ننحر الشبيح نحر الذبيحه

نصره لشعب حر نصره للايتام
وتشفى القلوب الداميات الجريحه

وهذي خواطر شاعرٍ جاته اهمام
ممايدور بهاجسه والقريحه