ليلة شتاء - راكان العتيبي
البارحه عشت الهوى والإثارهأخْلُق واخَرِّب في خيالي مجرّاتمرّه أحس انِّي زعيم العِبارهومرَّه تهمِّلْني من البوح جنَّاتليلة شتا في كوخ لاهب(وجاره)راسه مثل بركان ثاير بقبساتمن شاف وهجه واللظى وانتثارهوَجَّه له العرقوب فجعه و زبناتيشوف(غولي) في شفاته زقارهطايح ويسحب من بلاويه مزَّاتوانا قُدم ضوٍ يزيد استعارهسارح واحط من العتم فوق جذواتقمت اعزل اللي زد قَطَع فيه نارهواشيح من حَر اللهب نص نظراتلين استوى عرش الجمر بالحرارهوارهيت صفرا تملي العين لمعاتدستورها مويه وبن وبهارهواليا غَلَت ثَوَّر من الهيل حبَّاتوقمت آتأمَّل دَلِّتي وبْشَطَارهوصفتها والوصف لي فيه غاياتقبه ذهب..طالت..بأجمل منارهغطَّت على فوح اشقر البن بسكاتوان شفت واسطها تقارب مدارهكنّه خصر عذرا بها الزين أياتتاره أقرِّبها...وابَعِّد...و تارهأزمَّها وانْشُق من الفوح نسماتفاحت وانا بين الأمل وانكسارهأقنِّد شعوري هجوس ومعاناةكايف وراعي كايفه بالجدارهفطره واحساس ومشاعر وقالاترشفه صبغها من حياتي مرارهيوم ان تذكَّرْت الألم في علاماتليل وسكون وخاطري وانشطارهبين الهموم اللايعه والمسراتمعشوق عيني يوم حنَّيت دارهجيت...ووقفت..وطحت بالضيم ساعاترَوِّح وخلى مدمعي وانهمارهيحرق أديم الخد حسره وأهاتكان الوعد عهدي وصامل قرارهعلى الوصال اللي بليا نهاياتجاوب عليها بالوفا وانتظارهواخْلَف...ولو بسأل منين الإجابات!ياكود في خطوات عقب استدارهوملامحي وآنا مقَفِّي ب لفتات!ومسامَر نجوم وقمر في مسارهوكفوف تقبض من هوى العين جمرات!أحيان اعلل شَف قلبي وثارهبان الهوى قاسي ولا فيه راحاتواحيان اقول القلب بعد اصطبارهربك يفرج في لُقا الحب ضيقاتمؤمن وفالي عند أدنى إشارهيسوقها ربي وهو حي ما مات
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.