غدينا بالمتاهه ..!

جيت كلي معتلي شمس الرحيل.
ومن عنا وقتي غدينا بالمتاهه.

هدهد غْيابه بجنحانه مقيل.
كيف حرفي مالفت فيه انتباهه.

غرته دنياه واغواه الدليل.
في رحيل ٍ ضيع القلب اتجاهه.

إيه أحبه.! حب باقي ما يميل.
بْثنايا النور مرسول الوجاهه.

لو يصب المر ذقته سلسبيل.
همسته سكر نبات ٍ في شفاهه.

يالمحال اللي من دْيارك تحيل.
ليه قلت الحب لعبه مع فكاهه.؟

الخطآ وادي له التصحيح سيل.
والمزن قلب ٍ وماليه اشتباهه.

ما ظلمت القلب اصحى لا تعيل.
المشاعر تاكل القلب بْشراهه.!

جيت كلي أطوي مْن الليل ويل.
لين عاب الحب ناب ٍ للمتاهه.