( الحـب ) !

الحب .. مثل الورود اللي ب فصل الربيع
لا جفّ نبع الوفا ، تتساقط أوراقها ..!!
 
وشعور .. منه القلوب الخضر دايم تميع
ناره على كل عاشق .. زادت إحراقها
 
يحمّله فوق ما لا يستطيع .. ويطيع !
و ما يستطيع يتحمّل ( لحظة فراقها ) !
 
وأعذب هوى لا أنقسم ، متبادلينه جميع
ويختال .. ما بين ( خفّاقه وخفّاقها ) !
 
وأنا رهنت المشاعر ، قبل عمري يضيع
و غيمة وفاي ، يتلامع ( نوض براقها ) !
 
محتاج ليل الهوى .. لو المفارق شنيع
أبسهره .. قبل شمسه تعلن إشراقها !
 
مع من تحفظ الغلا ، في وسط حصنٍ منيع
و من دون عَشّاقها .. ما واحدٍ شاقها !
 
الفارقه ، ف المزايا والمقام الرفيع !
و زودٍ على وصوفها ، تمتاز ب أخلاقها !
 
ما هيب بنتٍ محبتها ، سريع ب سريع !
اللي ب لمح البصر ، تخون ميثاقها ..!!
 
تشري من العاشقين ب كل يوم وتبيع !
الحب ما هو ب سلعه داخل أعماقها ..!
 
و اللي تصون الغلا ، لو تطلب المستطيع
أصيّر المستحيل .. ل ( خاطر أشواقها ) !
 
واللي علشان خفّاقي ،، تبيع الجميع ..!
تشدّ من بيتها .. في ( قلب عَشّاقها ) ..!