الحـب للمحبـوب - سعود بن ماضي العطاوي

يا مل ِ جفن(ن) يا فهد ممرح الليل
ودموع عينه فوق خده هميله

سهران في صدري هموم وغرابيل
والقلب كنه فوق حام المليله

الهم وسط القلب ينحا كما السيل
سيل الشعيب اليا انحدر مع مسيله

من عقب فرقى الزين ما عاد بي حيل
والعين ما طرف لها النوم ليله

اسهر مع النجمه واجر المواويل
ودموع عيني مثل وبل المخيله

منساه لين الخلق تنسى التعاليل
والا ان راع الغرس يترك حصيله

حبه بقلبي يا فهد ما بعد زيل
يجري بدمي وسط قلبي مشيله

ما شوف زيه بين كل الازاويل
يفرق يا ( بو عايض ) ولا احد(ن) مثيله

الحب للمحبوب ,, فوق البهاذيل
حمله ثقيل ويتعبك ما تشيله

يالله طالبك الفرج والتساهيل
ياللي ليا جا كربة(ن) نشتكيله

تدر لي راع الرموش المضاليل
ويطيب قلب اللي همومه ثقيله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر