يا غافي

سرقت النوم من عيني ياغافي ورحت تنام
وجبت السهد لي كله وحطيته وسط عيني

رد النوم لعيوني عشان تراك في الاحلام
وعش هم السهر مثلي عساك تحن وتجيني

وان قلبك نسي حبي وضعيته مع الايام
انا مانسى ابد حبك مهما تصد وتجفيني

وباصبر وانتظر ترجع حتى لو تغيب اعوام
وبارضى بنار هجرانك وباضحك لوهي تكويني

لانك في دمي تجري ونبضي فيك ياما هام
ودمعي لاضميت يهل وادري انه يسقيني

شجن والشوق لك يبقى ولو عشت الامل اوهام
وباتسلى على ماضي نقشته لك على سنيني

لعل الوصل يقراها ويبدا يذكّرك بايام
بها زهر العمر ضمك ولك اهدي بساتيني