المسحوب / إلى بدر بن لوقان

لـ فهد الذايدي، ، في غير مُحدد، آخر تحديث

المسحوب / إلى بدر بن لوقان - فهد الذايدي

يا ماحلا المسحوب من بين الأوزان
طرق(ن) حروفي فيه تهتف ي محلاه

في جرّته .. اقدر اقول الشعر حان
وفي بحّته .. صدق الأحاسيس تفداه

لا ياعشيري .. والملاعب معك زان
ابداه فيك .. وفيك يازين مبداه

ما أنت الجزل ياعالي الصيت والشان
انت الجزاله بَكبرها ما اتعدّاه

يا ذيب وايل / يابدر يا ابن لوقان
يامن سمو الذات يرقى ب معناه

روس النوايف مالها كود ذيبان
يرقى عليها ويعوّي العز وياه

لك صاحبن لو لانوا الخلق مالان
شرواك في طبعه / وعزّه / ومبداه

لا ضاقت ارضك يحملك فوق الأمتان
وسعادتك .. تبري جروحه وتبراه

لاوي لك ذراع الهزيله والأهوان
وإيدك خشم(ن) ما رضخ لك بممشاه

وزنك إذا شبّهت له قلت : سلطان
يكّرم عن السربوت وزنك ومعناه

ياكم من مهجور وياكم من خان
ما أنت الوحيد اللي عشيقه تخلاه

هذي هي الدنيا وما دام الإنسان
لا من تركها ما أخذ شي ويّاه

الذكر يُنسى مع تكاثيف الأحزان
تحزن عليه سنين وسنين تنساه

مَن الجرد نرجي منشياً وبل الأمزان
ومن الحياه نَموت في طاعة الله

مناسبة القصيدة

يقول بدر بن لوقان في مطلع قصيدته :زانت طروقي والشعر مثل الامزانمن شاعرن دايم ع الطيب مبداهفهد تقدم للقوافي والاوزانهذا على المسحوب وانت اتمناهاسمع كلامي يا فهد وارخ الاذانالقاف مايصعب على من تحلاه
© 2023 - موقع الشعر