على بحر المسحوب

لـ تركي بن حميد، ، بواسطة سماهر، في غير مُحدد

على بحر المسحوب - تركي بن حميد

ياراكب اللي بقلهن قد تثنا
فجّ العضود مدمّثات المحاصير

لاهنّ لا قعسن(ن) ولا هن دنّا
متيهات(ن) في ليالي المخاضير

الصبح من وادي الرشا ينشرنا
من بيت ابو خالد زبون المقاصير

يلفن أبو تركي زبون المجنا
هو شيخنا لاجت ليالي المعاسير

الشيخ مثلك مانزل "كشب" عنا
وادنى عتيبة حايل(ن) دونه النير

جانا الصعيري قال صولوا وصلنا
صلنا نحسب انه على راي تدبير

أثر الصعيري فزعته ماج عنا
واقفن ظعونه عقب ماهن مناحير

وجينا على ركب الحريب ونزلنا
صرنا دواوير(ن) وصاروا دواوير

ياكبر زبر جموعهم يوم جنا
أرواحنا ترخص وهي للمقادير

بإيماننا صورام(ن) يقطعنا
سقي القنيدة من حقوق الشخاتير

من عقب هذا لامطير(ن) وحنا
لا صلب جدّ ولابهم نية الخير

لكنهم يوم انجلى السؤ عنا
هذا طريح وذاك ذ ّب المعابيير

لي لابة(ن) تشلع مع السنّ سنا
إن كان بالغارات ولا الطوابير

ناس(ن) الى حلّوا على القحص جنا
في منتهاه ننزح النمر والزير

© 2024 - موقع الشعر