روحي وغالي

لا تنشدَ أللي بيبكي حين يلقاك
ليهَ البكى يابعد روحي وغالي

لي فكرتِن في خيالي بعدِ فرقاك
لا جاتني ضلِ فكري في إعتزالي

ياأللي تِضَوِّي الثريا من سجاياك
على هواكم من القلبِ إشتعالي

يا مِسهِرن عيني خذني في حناياك
عمري إنتهى وليلكم شايل هلالي

متى أرتشف سلسبيلِن من شفاياك
ريقه كما شربَةِ الماي الزلالي

توعِد وتخلِف وتزعِلني وأرجاك
وتجفاني ألفين مره في وصالي

ويعود قلبي إلِّيَ مثلِ ماجاك
تعبانِ مكسورِ نبضه في إعتلالي

تسبِقني أحزانِ عيني في سواياك
ما حيلِتي فيكِ يانهرَ الجمالي

أغراني حسنك وعودك مع حواياك
والحينِ كِلِّي قِساوه في إحتمالي

لا ريدك في عيدِ فرحه ولاني أبغاك
حَطِّيتِ لي حرزَ أبوزيد الهلالي