نصيحة عم

يااللي لسانك عذبِ في الحربِ واللين
ماكلِّ خيَّالن يخاوي أصيله

خذْ لكْ نصيحة عمِّ من صاحبِ الدِّين
قافكْ إذا يغويكِ لاتستويله

ون كانْ قافكْ عطروهَ الرياحين
وزريتي به في عالمِ المستحيله

رشَّه على العودِ وعدَّه على الطين
يمكنْ تسوي خلطتن للهزيله

الشعرِ ألوانن وكلَّ بساتين
فيهَ المدح والشتمِ واللي تكيله

وألوانِ أخرى منَّها الحبِّ باالزين
والنصحِ منها غايتي والجميله

يااللي بقيفانك تكرر مرتين
ماني على ردَّ الهزيله بطويله

خلكْ على دربَ الغزل والسلاطين
ماودَّنا باالشينِ يبنَ القبيله

وتركني هايم معْ فحول الشياطين
الشعرِ يلحقني ونا أرتكيله

البلبلْ ينحبِ بعذبَ التلاحين
والصقرِِ مايهوى فروخن تجيله