مر عام - عبد المطلب عمران

مر عام
والناس نيام

فوق شدرنا
القمري حام

وف يناير ابتدينا
ولطريق النور مشينا

بس برضك يا وليدي
الطريق لساه زحام

الامل ويا الاماني
والربيع محتاج اغاني

مد ايدك ويا ايدي
دا البنا مش بالكلام

الطريق مليان حيايا
والتلوث في القنايا

واللي عايز يبني بيته
مستحيل ينسي الزوايا

او يفرط في اللجام
يالا يااولاد البلد

قولو هيلا وقولوا هبا
قولوا يا رفاعي مدد

وادعوا لصاحب المقام
كنا وين و بقينا وين

دا الهدف محتاج عينين
والظلام يلزمله نور

والايديين بتهد سور
والحروف تحتاج علام

للعبور نحتاج سفاين
للعبر انظر وعاين

بالامل ويا العزيمة
المفازة تكون جناين

والحياه تبقي ابتسام
مر عام

والناس نيام
فوق شدرنا

القمري حام
بس برضك يا وليدي

الطريق لساه زحام
واللي عايز يبني بيته

مستحيل يغفل ينام
دا البنا مش بالكلام

مر عام
© 2022 - موقع الشعر