رسالة من غريق

سافرت والله يا بوي
جارر رجيلاتي

علشان رزق الدراري
وصغار بتهاتي

وبقالي عام و اتنين
ما شفت خياتي

جوه الصعيد قاعدين
يستنظروا الاتي

حسونة و مجاهد
والفاس و محراتي

وانا العليل الشقي
لميت خلقاتي

وجمعت صرة هدوم
علشان وليداتي

وعبايه سودا يا بوي
والشال لمراتي

و الجينز لمخيمر
وهدايا خالاتي

وركبت جوه السلام
انا و الكثير اتي

ودعنا مينا ضبا
لسفاجة مقصدنا

لكن يا بوي المقدر
في البحر و قعدنا

حنعيش وسط السمك
و القرش مرقدنا

ما حد مد اليد
ضاعت قريشاتي

من تحت جوه القاع
بابعت تحياتي

لللامن للمينا
للشعب للمجلس

ولكل ناس الوطن
باهدي سلاماتي

واشكر جميع الاهل
وباصب لعناتي

عاللي يحب السلام
اللي اخذ ذاتي

عاللي يقول السلام
ريح السلام عاتي

ضعنا وضاع الكلام
وينك يا محراتي

سافرت والله يا بوي
جارر رجيلاتي

ونزلت جوه البحر
رزق السمك اتي

وبقالي عام واتنين
ماشفت خياتي

حلم السلام انتهي
ليكم تحياتي