غريق الدمع - بدر بن عبدالمحسن

اللي طعنّي بين الاضلاع وأدمى
هذاك ندٍ لي ونعمين فارس

ومن ينطح الوقت الردي قلبه أعمى
كم عامرٍ خلاه بالقاع دارس

يابنت مالي قلب بالحب يرمى
كفي سهام الفاترات النواعس

الما عيوني أظهريني من الما
وأنا غريق الدمع والريق يابس

ظميان من مثلي من الناس يظما!!
وأنا على أحلى الينابيع حارس

والله يالولا فيّة عيون سلمى
ماشوف كل الناس ضاحك وعابس

من طاب لي بالنور ماني بظلما
ومن جادلي بالغيث ماني بحابس

© 2024 - موقع الشعر