مر وقت ومالمحتك في وجيه الناس ( مُر ) - مشعل الغبين
مر وقت..وما لمحتك في وجيه الناس.. مروالثواني.. في يدي.. صارت جمر!كيف تسرقك المسافه؟وتترك لقلبي حسافه!أهه من وين الصبر ؟مر وجه يشبهك.. بس "ما هو انت"هذا طيفك , يوم شفته جيت ضميته وصحتوصرت اشوفك..في زوايا الصمت.. ضحكات وحنينوصرت ادور..عن تفاصيلك وأنا جدا حزين !مر وقت..وما لمحتك في وجيه الناس.. مرلين ضاق الكون فيني.. والطريقمابقى عندي حبيب ولأصديقأنت وينك؟أنا بحاجة كفوفن دافية ..وينك أحتاجك بحاجة عافيه!كلهم مروا.. عبثوانت وحدك..كنت لي كل البشر!مر وقت..وما لمحتك في وجيه الناس.. مروالوجيه..اوراق طاحت من خريف!يا "بعيداً"..ما ترك فيني ملامح.."كُلُّ مَن أَبصَرتُ زَيفُ"التفت..والليل ينهش من ضياي"اين امضي؟"والمدى دونك.. مخيف!ما ذبحني..الا يوم اني عرفت.."أنك قسسيت"..وصرت بغيابك ضعععيفكلما ناديت..رد الصمت: "راحل""واستبدت بي جراح"لين صار الشوق بعيوني سخييف !مر وقت..وما لمحتك في وجيه الناس.. مرمر وقت..والسنين تمر بايدينا.. سراب!ما جنيت..الا السهر.."ومرارة الأيام "..في كاس العذاب!يا "سؤال"..تعبت شفاهي تقوله.."ما الجواب؟"وانت ابعد من حدود الظن..واقرب.. من عتاب!جيت لك..كلي جفاف.."فَأمْطِرِي يَا سُحُبَ رُوحِي"..باللقا..او بالغياب!ما يهم..اني اموت بوسط دربك.."انما الموت الحقيقي غربة بليا أغتراب "..مر وقت..والخطى تاهت على درب الملام!ومابقى إلا"سكوتي"..يوم كل الكون غنى.."كيف ابكي؟"والبكا دونك.. حرررام !مر وقت..وما لمحتك في وجيه الناس.. مروالسهر نابت على رمشي.. شقا!يا السهر أعتق عيوني وش بقى ؟أه هذا الليل جارح !"إنما الدنيا ملامح"إن ذبل فيها وجودككيف بيصير اللقى ؟مر وقت..والعمر يمشي على جرف الضياع!وما ذخرت.." إلا حنينً"..أنكسر يوم الوداع!
© 2026 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.