عام وراى عام وفي كل الاعوام
حنا البقوم ولاعلينا صعايب

ياناشد عنا تبأ تلقاء الاعلام
في صفحة التاريخ حاضر وغايب

تاريخنا تعجز تدونه الاقلام
وهذى حقيقه ماعليها شوايب

هل بندق ياما تعشت من اخصام
واهل السيوف اللي تقص الترايب

الترك من ضرباتنا راحوا اقسام
واللي يحاربنا يشوف الغلايب

ودخيلنا من دونه الخصم ينضام
يامن ونفتكه نهار الحرايب

والجار حقه عندنا دوم الاكرام
وما كنه الا واحد من القرايب

ولا نخون وحظنا بالفخر قام
مثل الجبال الصامده للهبايب

اهل لوفاء والطيب والمشي قدام
ولا ننثني الا خلاف الركايب

اعلامنا مرفوعة فوق الاعلام
والله عطانا من جزيل الوهايب

وسط الجزيره نبني امجاد عظام
ماهي هروج العافيه والطلايب

وتدري بنا العربان في الشرق والشام
وغرب وجنوب ولاش فيها غرايب

واليوم في ظل العداله والاسلام
وال السعود اللي تحل النشايب

يعيش ابو متعب على طول الايام
وحنا جنود له شباب وشايب

الشاعر - عبدالله هادي الدغفلي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر