سجن الاغراااب - بندر المنصوري

جيتك و جمر الشوق فالنفس مدفون
طعم التعب قصه على طرف واهداب

جيتك اسولف للرجا ريبة اظنون
و حيرة تسافر للعذر بوح واعتاب

وشلون غنّى في عرا دربي اشلون
يجر طرقه بالغلا بغض واعجاب

وشلون عاش ابدخلي نبض مجنون
احباب .. لكن.. غاب والحب.. ماغاب

يا سيدي.. يا حلم يا غربة اشجون
ابي حكايه ترثي العوق واحجاب

ابي عجاج الو صل لو صار ملعون
ابيك لهفه في خفا صمتي إركاب

أوآه يا أمسي لفى البعد بفنون
ربّع على قاف الهوى سلم واحراب

ما عاد للذكرى بقى يروي اغصون
ولا عاد للخطوه على باكر احساب

عقبه يصير الزين قاصر ومفتون
عقبه يحول الحول وافراحه إغياب

يا سيدي طفل الغلا مات مسجون
وعنوان قبره.. صار في... سجن الاغراب

© 2024 - موقع الشعر