ودعت روحي يوم ودعت سلطان

يالله ياللي أمرك من الكاف ل النون
يا عالمٍ بالغيب وش لون لو كااااان
 
واللي بعد ما كان ، وش لون بيكون
والكاين اللي كان من قبل ، وش كان
 
فرج لقلبٍ عقب سلطااااااان محزون
تزلزل اضلاعه وبه رجف بركاااااان
 
من عقب ما شاهدتهم فيك ينعووون
يا اميرنا ياللي لك الحق برهان
 
ومن يومها وانا بلا روح تكفووون
ودعت روحي يوم ودعت سلطاااااان
 
يالفارس اللي في المهمات دندون
اللي ثبت في يوم تهتز الأركااان
 
يا ماسح الدمعة لمن جوك يبكوون
اللي لهم حاجة ومعسر ويتماااان
 
وفرّجت هم اللي من الدَين مسجون
وأمرت بعلاج الذي كان مرضااااان
 
ومن يحفظ المعروف لا شك مديون
إنسان يا سلطان ، سلطان الأنسان
 
حتى ولو في الأرض ميت ومدفوون
تبقى علم مرفوع يا عالي الشأن
 
رحلت وان الناس حولك يصجون
يبكون لفراااااقك شبابٍ وشيبان
 
نعااااااهد الله عهد ناسٍ يوفون
لأخوان نوره ، ما نفرط بالأوطان
 
عهدٍ ومن يخلف عن العهد ملعوون
نبقى لأبو متعب ونايف وسلمااان
 
ويبقى الوطن محروس من كل مغبون
وراعي الحسد واللي معه نذل وجبان
 
ويالله يامن جو ضيوفك يلبّون
يرجون عفوك يوم في ناااار وجنان
 
تغفر ل أبو خالد عدد من يصلوون
وتكون روحه وسط رَوحٍ وريحاااااان
 
 
وسلامتكم