حرارة غيابه

سلامي ياهل جدة سلامٍ يوازي الكون
سلامٍ من الله عد ما يحتوي كونه
 
سلامٍ يصل لقلوبكم علّكم ترضون
معطر حسب أذواقكم طيب ترضونه
 
وبعد السلام أخصّكم في طلب تكفون
طلب لو ثمنه الروح هي فيه مرهونه
 
أنا جيتكم ، لي صاحبٍ عندكم مزيون
أمانه معاكم لا يجي يوم تأذونه
 
حرارة غيابه زودة ثغرة الأُوزون
بقلبي ، وانا النبضات لي غير موزونه
 
ارى الوان طيفه تجتمع في عيوني لون
وانا استغفر الله ، نور هالشمس من لونه
 
عشقته برغم إنه تراوده فيّ اظنون
وهو حبني من جد لو زادت أظنونه
 
جنونه اخذ عقلي ، ونا صرت له مجنون
وعشنا بحياة العشق لحظات مجنونه
 
تبادلت انا وياه بالحب لو تدرون
عيوني يشوف بها ، وانا اشوف بعيونه
 
يقول اني انا نبض قلبه وبعد أمون
ونا مستحيل اعيش لحظات من دونه
 
ونا طالبك يا بحر لو جا وهو محزون
أمانه تحاول تحتوي الحزن ، وتصونه
 
نهاية حروفي كلها ، زبدة المضمون
أمانه معاكم ياهل جدة تدارووونه
.
.
.
أبو حسام المنتشري