ليه الجفى يا موسع الصدر وش فيك

ليه الجفى يموسع الصدر ..وش فيك
اشغلتني ..ونا بحبك شغوفي
 
آمر ترا ما فيه شخص يساويك
ياغلى قصيده سجلتها حروفي
 
أطلب عيوني لو تبيها ونا اعطيك
انتَ حياتي ... ونت سمعي وشوفي
 
ما دام قلبي يالغلا بين اياديك
اجرح على كيفك بحد السيوفي
 
ما دام احبك باتحمل خطاويك
ادري بصدرك شلت قلب(ن) عطوفي
 
في ذمتي لااعيش دايم مخاويك
عهد(ن) علي وعليك لابد نوفي
 
أبيك ايه .أبيك..وابيك وابيك
حتى ولو الاقدار زادت ظروفي
 
بس المهم اتعود...وتقول وش فيك
ارفق على قلب(ن) بحبك شغوفي
 
وسلامتكم