وش فيك تبكي فديتك - احساس شاعرة

وش فيك تبكى فديتك يابعد عمري
حرام والله اشوف الدمع في عيونك

تعال حط راسك على صدري
ماجات ناس على الدنيا يبكونك

فديت روحك وعمرك واااااه لوتدري
انك في عينى طفل مابي يضرونك

امسح دموعك مدام ان اللقاء بدري
واضحك حبيبي ترى واجد يحبونك

ودى اشوفك هذاك اللي على خبري
تضحك وطير الفرح يغرد بكونك

الحزن قبلك ترى في دمى وحبري
وفالناس غير الحبايب لايهمونك

الليل توة واخاف الوله يسري
وانا من اول ابي فرقاه من دونك

خلك مابين الشعور الطاغي وشعري
وانسى جروحك ودمع العين وطعونك

ابيك تسكن بروحى وقلبي وفكري
اباخذك عن جروح الناس وصونك

الناس لوعاشت بطيبتك ياعمري
ماكان واحد تجرى يبكي عيونك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر