(عطني فديتك كلمة تجلا الاعما س
وانما تخاوينا عسى فيه خيرة )
(ياوسع كون الله وياكثر الاجناس
كلن يبى يلقا خوي بالجزيرة )
(مابى كلام أهل المشاعر والاحساس
و اخيرها كلن يحدد مصيرة )
(انا الوحيد اللي خلق بين ذا الناس
ولا خلق من هويباري مسيرة )
(للطيب مني والوفا مجرى الانفاس
ولغيره ايمنى للسرى قصيرة )
(احفيت رجليه وكسرت الأجراس
ياأهل الوفا وين هو؟ في كل ديرة )
(عليه جوف القلب لوعةبوسواس
اتصرم اعروقه وتعمي بصيرة )
(وان حل به ياصاحبي عقبها الياس
بأيدي لا بالمستجير وهجيرة )
( وا نا ذخر منهم حفا قب ا لأفراس
اللي لهم يشهد بعيد العشيرة )
(أبى خويا خوته ترفع الراس
لاجال طرفي ما يشاور ضميرة )
(الطيب له في كل الاحوال نبراس
من خلقته وابليس ما هو خشيرة )
(النور فعله والوفا وأرثه ساس
يسعد نهار الضيق من هونصيرة )
(ياصحابنا ياشوق حبر وقرطاس
لا تذهبون أسلاحكم والذخيرة )
(ترى العجم تفرق ذهبها من الماس
ولا على أحلام الخليقة حظيرة )
(ما عاد تستر ضحكة الشيخ خناس
وأصوات ربعه بيحن السريرة)
(والكون لو ثلثين ماء ثلثه أطعاس
واللي خلقها والسراير خبيرة )
(الأعلى من همه الزاد وأللباس
والا ضمير اللي يراعي شويرة )
(تريحوالا يحرق البن محما س
نفيركم والله ماهو يذيرة )
(من يرفع الله قيمته ما شكا باس
لو أعجبت جساس ضحكة امنيرة )
(مير أقصرو خطو المحابر والأطراس
لا عاد هي رمح ولاهي نذيرة )
(مايقرع ابها اليوم يكود جساس
والأ اليدين القاصرات الحسيرة)
(الأ مراجلها الندامة والأفلاس
ومدورة خلات ربع وقصيرة)
( من لاعرف وشلون زندن ومقباس
ماهو بعارف وش عقا ل ومريرة)
(ياذيب ما يشبعك تنقيب الأضراس
والصقر ما لحقه دجاج مغيرة )
(أقفا زمان المرجلة فيه نوماس
واليوم يوم أهل القلوب الضريرة)
(العمي عما أوصى به الشيخ لدباس
اللي تموت وجمها جوف بيرة )
(أصحاب يادانه وطبلة ومرواس
اللي نصيف الليل ينهد طيره )
(عفهم وتلقاك خوي يرفع الراس
لا جال طرفك ما يشاور ضميرة)
(ياوسع كون الله وياكثر الاجناس
كلن يبى يلقى خوي بالجزيرة)

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين