سولف فديتك - مبارك الكريباني

كلامك غير سولفلي فديتك
مدام القلب واحساسي عطيتك

ابيك تقول كل اللي في بالك
وانا من قلبي الصادق هويتك

وصمتك قاتل القلب المعنّى
قتلني وان ذكرتك مانسيتك

ألا تعلم بإنك من رماني
وإني ما ابيتك وإن ابيتك

وإن القلب لك حِصنن حصينا
وإن العين تفرح لا رأيتك

وفوق القلب بعيوني اشوفك
مليت العين وبقلبي حميتك

اشوفك في عيوني كل لحضه
واجيك بشوق قلبي لا طريتك

يسيّرني غرامك مانسيته
ولا مني تناسيته بديتك

خذاني يمك الشوق ودعاني
واكون اسعد بشر لامن لقيتك

تبسم ياهوى بالي تبسم
ترا بسمتك تكفيني فديتك

دخيلك والخجل خله يولي
وسولف والخجل عنَه نهيتك

© 2024 - موقع الشعر