يا غيابه

لـ جنون الشعر، ، في غير مُحدد

يا غيابه - جنون الشعر

يا غيابه / خف عن قلبي شوي
لو خطا حرفي .. بحقه اعذره

كيف أعاون قسوة احساسه علي
جاحد بزهري .. رحيقي نثّره

الحقيقة ما بديت بأي شي
ما قصدت اقسا و منك المعذره

الملامه دوم للي .. يبتدي
و التوالي بالرزايا .. مثمره

شوك غربه في زواياي و بِكي
دمع ثاير من همومي أمطره

حظ عطري بالمحبة مبتلي
ليت عطري طال منهو قدّره

اختفى حسه و مني ما خِفي
كم سهيت ايام .. طيفه .. انطره

ظنتي مأواه حضني و ان بِطي
احسب ان الوقت اخطاو اخره

و المصيبه ذقت مُر الموت حي
و الألم عدى حدود المقدره

ولا قصدته كم يسمعني حكي
كنه ابشوفي غصيبٍ يَحضره

وهذا و الهقوى يحن و ارتجي
لا رآني كبر شوقي يبصره

اثر باله .. من طيوفي .. مختلي
آخِرة عِشقي .. و صبري آخَره

كيف بالله يندمل جرحٍ شقي
موطنه و حبي خنجره

جرح من حرّه كِبر و الآه في
لو بغيت انساه آهي تَذكره

لا تظن ايروح من شكواه/ شي
ما نسى قلبي لزومٍ يثأره

ولا خلا مِنك و لا جورك / و بي
عاصفة عصيان جارف مَكبره

في ثنايا الليل يهتاج و يضي
من جنون الوقت ينفث اكثره

و يلتقي بالنفس بالعمر اتعدي
ويسحبه اضغاث عمرن مغبره

كم يعيبوني على حُبٍ وفي
يوم بعض الخلق مثل المقبره

مو خطاي ان كان لي قلبٍ ندي
كم تمنى الخير كم هو يبذره

وانتظر يوم الحصاد الي عصي
وارتجى شوفه و لكن / بعَثره

و انثره مطعون و الفاه ايحبي
و الضحك صداح وسط الجمهره

و انا ما اكظم جنوني و اكتفي
بالسكوت اليوم عنه مُجبره

غير اني .. مثل هالدنيا أبي
اضربه في مقتلٍ/ ثم اكسره

© 2024 - موقع الشعر