هيه ياعذب التواصيف ياسيد الحلا
لا تجي وتروح قدمي مارديت السلام.
خف من الله كيف ماقلت الي هلا هلا
جايرً بالحب والحال طاويه الهيام.
الهواء بلوى وحبك هو اسباب البلا
ثابتً بين المحاديب عامً بعد عام.
عان فكري عن غرامك وودك ماسلا
شي واقع لاتحسب انه مجرد كلام.
ماتحمّل كان صبحك من الليل انجلا
الجدايل ليل والخد جلاي الظلام.
ماش مثلك زين يالترف من بين الملا
تاخذ عيون النداوي على رقبة الادام.
والله ان قلبي موالي ومعطيك الولا
الغرام ان كان تفهم وش اخرة الغرام.
مابقى من حبك الا تعرضنا الخلا
ارفق بحالي عسى والدينك للرحام.
انت لوعرفت معنى الموده والغلا
كان ماخليت عيني يحاربها المنام.
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.