ناعس الطرف

ياناعس الطرف من حبك وتدليعك
اعطيتك امن الغلا مايشفي اوجاعك.

ماداخل القلب غير اسمك وتوقيعك
وجروح حبك ومدخالك ومطلاعك.

كملي وانا في هواك اطرد منافيعك
وادور مقابلك واداري اوضاعك.

مير انت بالهجر لو بصمات اصابيعك
غيرتها مستحيل اتغير اطباعك.

ازريت لاعانقك واذب مع ريعك
يابعدك بوصلك ويا بعد مرماعك.

مدري متى اسج رجلي في مرابيعك
ياحي حزة لقاك وحي مرباعك.

اهيم واسج لاهبت ذعاذيعك
وصحا على ريح يشمومك ونعناعك.

تعال حاول تغير في مواضيعك
لا تنسحب بالغرام وتطوي شراعك.

اما ترش الضماير من ينابيعك
ولا توكّل على الله مااقدر اقناعك.

ماانت بعلى الكيف لجل اشريك وابيعك
انته رسول الهواء وانا من اتباعك.