ياجنة الدنيا - طلال الشلاقي

تجي بعيني باغمض العين وادفيك
تجي بقلبي مانت قلبي وكلي

تجي بروحي مانت روحي ومعطيك
تجي تبيني خوذني لاتخلي

تجي حنان جنون بجنون وأجيك
كلي حنان ومندفق لك واهلي

تجي أبيك تروح ياشوق مابيك
خلك معي يادنيتي مثل ظلي

ياحب أحبك حب مجنون واغليك
وانا معك ياروح روحي مولي

وياجنة الدنيا شعوب ومماليك
تحتك تجي ياكل كلي وملي

ياجمل حياتي من تهاني يساويك
ومن هو بعد غيرك غلاتي يسلي

ياكبر غلا فيني مكانك هلا فيك
وسط الحشا بيتك بهذا محلي

واهلاً هلابك كل ماجيت الاقيك
واهلاً هلابك وسط قلبي وكلي

© 2024 - موقع الشعر