آرجع واخونك - طلال الشلاقي

تدري عليل وعلك إنك تداويه
وتدري دواي بنظرت(ن) من عيونك

أقنع هلك بانك ولازم تسويه
هذا الدواء والا انا أموت دونك

تعال محتاجك انا الهم تطويه
وحميا الفراق تبيدها في لحونك

وانزل عليه شفاي بشفاك وارويه
وزيدن بعد جرعه لخاطر جنونك

مافيه غيرك قلبي اليوم مغويه
ولافيه غيري قادر إنه يصونك

تعبت حر الهجر والبعد يكويه
قلبن تعلق فيك وامسى بدونك

وضمً لحظنك دافي الضم هاويه
ترى المشاعر واحتياجي يبونك

والشعر هل وهلته لك بلاويه
قدر ضميت وحاجتي هي مزونك

وامطر على قلبن عقدبك تهقويه
اللي الا من ضقت لباك عونك

والورد ذاوي تدري الهجر مذويه
قرب تعال ولمني ياغصونك

وتدري بعد فرقاك وش كنت اسويه
قاعد مع الصوره صورتك اخونك

ومابي اخونك بالصور حق وانويه
لكن بليا شعور أرجع واخونك

© 2024 - موقع الشعر