من رسالة وعد .

ادلهمت وهلت عقب برق ورعد
مزنة ٍواختلط ماها بدم الوريد

صابة القلب جاته من رسالة وعد
قام ينزف من الاعماق نظم القصيد

مات ابوها وهي بالشهر الاول بعد
توها تختلق في وسط رحم ٍجديد

حَمل غالي وحرص الام رغم النكد
شالته لجل يبقى ذكر عليّ السعيد

فعلاً الحمل تم وبمر رب ٍصمد
اشرقت شمس يوم ٍٍياوعد يوم عيد

يوم جيتي وانثى وعن كذا وكم ولد
ترفعين اسم ابوكِ من على كل حيد

من حمل اسم ابوه وله قرب مابتعد
موقعه يرتفع ماهو من اجله وحيد

لجل قام بحقوقه موفي ٍللعهد
ثم يصبح قريب ٍمنه ماهو بعيد

وانتي بقو عزمك صار عهد ووعد
رغم حبك لشخصه كل يوم ٍيزيد

واصبح اصرار لو يحتاج صبر وجلد
تبحثي سيرة الوالد لعله شهيد

ابشري ياوعد من هل ضباء بالسعد
لين يصبح نهارك مثل ليلك سعيد

يستحق الوفاء من كل ابناء البلد
رجل قدم لنا تاريخ طيب مفيد

كل منا لموضوعك وقف ما قعد
ويالله انك توفقنا لبذل المزيد