واللي يبدل صادق الهرج تبديل//لو نسكت التاريخ ينطق به لسان - احمد الخالدي

بسم الله ابدا والمعاني هماليل
غيثٍ تهاطل بالقصايد كالامزان

من شاعرٍ يكتب جزيل التماثيل
عذب القصيد اللي تحلى بالاوزان

يكتب عن رجالٍ فحولٍ حلاحيل
اللي لهم في ساحة المجد عنوان

ربعي اهل الحيزا رجالٍ مشاكيل
تاريخهم معروف في كل الاوطان

ربعي بني مخزوم ذباحة الحيل
يشهد لهم بالطيب حظرٍ وبدوان

ينبيك عنهم من يعرف التفاصيل
حكام دوله من قديمات الازمان

يشهد لنا التاريخ جيلٍ ورى جيل
لا صاح صياح الضحى جوك فرسان

جوك الخوالد كالسيوف المساليل
صغيرهم يارد على الحوض ضميان

من نسل خالد كل ابوهم رجاجيل
قبيلهم بالمعركه دوم خسران

سيف الله المسلول خالد ليا قيل
دكّ الفرس والروم في كل ميدان

ابن الوليد اللي يحبك المداخيل
إليا انتفض للمعركه ثاااااار بركان

لو معركة مؤته تعدّ التفاصيل
مع قلّة رجااااااله تصدى لعدوان

في نجد سدنا بالسيوف المصاقيل
في حكم سعدون العريعر بليهان

شيخٍ تخاظع له شيوخٍ حلاحيل
ما هو غلا ...! خوفاً من السيف شامان

حيّف على بيض الحبارى بتذليل
ومن مدّ يدّه عاد مقطوع الايمان

أربع قرونٍ في رفاهه وتدليل
محدٍ يقربله من الإنس والجان

واليوم نسمع للحبارى ولاويل
وشلون عقب العزّ تبكي وتنهااان

با ارض الجزيره ساد حكمه بلا ميل
يحكم بشرع الله وللعدل ميزان

باطراف فارس خذ دليلٍ وتحليل
في هرمْز لحيزا دليلٍ وبرهان

مع مقرْن الجبري كسرنا الأساطيل
والبرتغالي عاد مذلول خسران

قول وفعل بالسيف والرمح والخيل
جيشٍ يهز المعركه وين ما كان

واللي يعاديهم يشوف التهاويل
ويذوق طعم المرّ من كفّ شجعان

ما هي علوم مجمعين الاقاويل
اللي سوالفهم بزيفٍ وبهتان

علمٍ صحيح ولا على العلم تظليل
تاريخ عامر شامخٍ فوق ظلعان

لو تنشد الأتراك عن وافي الكيل
تاخذ صحيح العلم من دون نقصان

با ارض الحسا دارت رحى الموت والويل
مع ماجد عريعر شبابٍ وشيبان

حشّد جنودٍ تطوي البيد كالسيل
اليا انحدر مع واديٍ صار طوفان

واللي يبدل صاااااادق الهرج تبديل
لو نسكت....التاااريخ ينطق به لسان

هبس الخوااالد للمكارم مداهيل
أصل الكرم للحيز مبدأ ونيشان

طيبٍ يخالط ريحة البن والهيل
منا ذعاع الطيب نرجس وريحان

هذا وصلوا عدّ زرع ومحااااااصيل
على النبي الهاشمي نسل عدنان

وسلامتكم
وسلامتكم

© 2022 - موقع الشعر