انتي عن اربع وبعدك يحرم الطاري - عبدالعزيز الشاطري

ياللي تراسل حبيبك تعرف علومه
من يومها وانت واوضاعي لها داري

حي الرسالة ومرسلها ومفهومه
ياحيها يوم تنشدني عن اخباري

فيها حروف المحبة منك ملغومه
جتني على غير عادة لفّت افكاري

كلك غلا والمحبة فيك مرسومه
وانا عيوني مرايا القلب لاسراري

انتي حياتي طوال العمر من يومه
سعادتي وين ماحليت واسفاري

وانتي ظماية وعذب الما من غيومه
وانتي طعامي وجوعي وانتي انواري

وانتي كلامي بصحو العقل وحلومه
وانتي هواجيس قلبي وانتي اشعاري

واللي طرالك ورب البيت موهومه
انتي عن اربع وبعدك يحرم الطاري

هذا ضمان المحبة جاك بختومه
والا المنية بعلم الخالق الباري

© 2023 - موقع الشعر