شف سواتك في ّ خاف الله فيّــــه

شف سوآتك في خاف الله فية
كيف يا مشكاي ترتاح لعذابي

يامضحيبي قبل عيد الضحية
قدتني برضاك وأوجاعي زهابي

قبل تنهيني ترا باقي وصية
شف سؤالاتي قبل تسمع جوابي

كيف تقتل حب وعروقه نديه
راسم(ن) أسما حروفك في كتابي

خاف ربك لاتزود بالأسية
راسي من الويل واللوعات شابي

كيف ترضاها وأنا كلي حمية
وأقفن لاجلك وأنا ينزف صوابي

نار حبك داخل الأعماق حيه
كل يوم تزود يازهرة شبابي

ماهقيت الحب يلحق بي أذية
لين من صدك غدابي وأنتحابي

ما أنت طالع عن حدود الجاذبية
أرضك الخافوق لوحبك سرابي

يامعذبني بلاذنب وخطية
عنك لايمكن أفكر بانسحابي

في غيابك صارت عيوني شقية
وأنت مستانس ولاهمك غيابي