الليل لو انه عذر...؟ خاف ساريه
والصبح زله...؟ والعذر ماحجبَها
الليل نايم... ماحدٍ جاب طاريه
والصبح مثل ارزاقنا....في طلبَها
بنشوف بايع عذر ونشوف شاريه
والى مزاده بين ربَعه نشبَها
ونزداد في عثراتنا والمشاريه
يامخبر اللي بالمجامل حسبَها
لوَ التسامح غصن والوقت هاريه؟
تتوقع انه يجَني اطيب رطبَها؟
ولوَ كل مخطي بالعفو مانجاريه
عشنا بغابه نحترق في حطبَها
صحيح بعض الخلَق صعبه تداريه
من غايته يرضي البشر ماكسبَها
اللي يبي صاحب خلتَ من مواريه
زله....؟هجر نفسه وهو مصطحبَها
اللي يعيب الناس والعيب عاريه
عما الضرير ابصر.. عيوبه ندبَها
الزله اللي جات من رمح باريه
الدرع عفوك ف الملاقا غلبَها
العفؤ لو فعله يجيب المشاريه
لاتحسب الشرهه. (بحسن). احتسبها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.