تمثال الفرح - سلمان الكناني

مابقى للحزن في قلبي مكان
.........ولا لقى قلبي من احزاني حنين
كل ماجيت اشتكي حزن الزمان
..........شفت حزني والزمن متحالفين
زاد خوفي وارتحل ضل الامان
...........قبل كنت ازرع امان الخائفين
طاح تمثال الفرح والحزن شان
.......في قلوب وفي عيون المخلصين
حزني المخفي غريبه كيف بان
............كيف عيني ماخفا فيها يبين
برسم الضحكه مع الدمعه عشان
............ادعي دمع الفرح للشامتين
بقهر الضيقه ومن يشمت يهان
.........ببتسامة كذب في دمعة حزين
© 2022 - موقع الشعر