كني المريض - سلمان الكناني

حبيبي لا‌بغيت تغيب غيب ولا‌ تدور حلً
.‘.‘.‘.‘.‘.‘على طاري غيابك من متى وصلك مواليني
انا من وين اروح لسكتك فيني فراقك حلً
.‘.‘.‘.‘.‘.‘دخيلك وش تبي مني كفايه يامعنيني
غيابك مسًهر عيوني من اسبابك هناي انعلً
.‘.‘.‘.‘.‘.‘تقديني ظلا‌م الصد وآشوفك ضيا عيني
وفيء ادري عطيتك قلب بالا‌خر تبي تبخلً
.‘.‘.‘.‘.‘.‘على عيني بشوفك وانت تدري وش يهنيني
اقل القول يالقاطع عليه بالشهر تسئلً
.‘.‘.‘.‘.‘.‘وش اخباري عسا ماشر قسم بالله تكفيني
ثلا‌ث شهور بغيابك ونص هلا‌ل رابع هلً
.‘.‘.‘.‘.‘.‘اراقب نور وجهك والوله مابيني وبيني
حبيبي في غيابك لك غلا من غيبتك ماملً
.‘.‘.‘.‘.‘.‘طمع في جيتك وانت بصدودك حيل مشقيني
عساني لا‌بغيت اغيب عنًك خطوتي تنشلً
.‘.‘.‘.‘.‘.‘انا من وين اغيب وصورتك دايم تلا‌قيني
حبيبي بغيبتك كني المريض الي طواه السلً
.‘.‘.‘.‘.‘.‘دواه الوصل يالجافي باموت اقرب وداويني
تموت الشمس لا‌بان القمر والنور ماقد طلً
.‘.‘.‘.‘.‘.‘حبيبي الليل معتم في ظلامه وانت تضويني
حبيبي لا‌بغيت ترد رد ولا تدور حلً
.‘.‘.‘.‘.‘.‘على طاري وصالك في غيابك مايسليني
© 2024 - موقع الشعر