حسافه تبتعد عني وتنسى مامضى وتروح

لـ احمد بن مطر الهاجري، ، في غير مصنف، آخر تحديث

حسافه تبتعد عني وتنسى مامضى وتروح - احمد بن مطر الهاجري

حسافه تبتعد عني وتنسى مامضى وتروح
تحسب اني ابنسى حلو الايام ولياليها

مادام انك قويت البعد لحظه استمع للبوح
شعورا صادقن خلف الظلوع العوج اخبيها

انا عقب الغياب اجاوب الورقا واجر النوح
ليالٍ عشتها دونك تعاديني واعاديها

يمر الوقت من دونك وانا من داخلي مجروح
اصارع علةٍ في داخلي محدٍ درى فيها

اهوجس من بلا بعدك يوم ان الليل مابه ضوح
ظلامٍ حالكٍ دونك ولا ادري ويش تاليها

ابي قربك ولو صار الثمن روحي فداك الروح
ابديها على شانك ولو ترفض مبديها

غلاتك في خوفقي صدق ماهو يالغلا بمزوح
تدفق من شراييني غلاتك وانت غاليها

قصيده صغتها لجلك ويمكن تعترف بجروح
جروحي من سبب بعدك اداريها واخليها

© 2024 - موقع الشعر