حسافه!!! - عبدالرحمن مازن العطاوي

حسافه يوم حبيتك.. حسافه ضاعت الأيام
بعد ماخنتي في حبي .. وطعنتيني بسكاكينك

حسافه رحلتي وياك..بعد ماكنت لي أحلام
طموحاتي امل وعزوم وحلمٍ كان في سنينك

غدرتي بأول أحبابك.. تركتيني مع الأوهام
الآعب ليلي الضائع واترجم زينك وشينك

وربي كنتي سيوفي وكنتي لي سند وحزام
وأنا والله مثل ماكنت كأني كنز في يدينك

علام الطبع متغيُر.. علامك بعتي أغلا وسام
بعد ماكنت لك مبدأ وكنت أول عناوينك

أنا اللي يومك تغيبي أحاول ارتخي وأنام
ولاوالله يجيني النوم إلين أسال (000) وينك؟؟

تجيني في ثلاث شهور.. وتناسيني بعدها أعوام
كأني فارسٍ مجروح تكسٌر في ميادينك

أخذتيني عشيق الحرف.. أخذتيني فتى رسام
وتركتيني زهر ذابل تهشم في بساتينك

تقولين إني( اميرلنجد) تبين تزيلي الآلآم
وأنا اللي عارفٍ قدري مليكٍ من محبينك

تماديتي مع العذال.. وأنا بعدك ترى منلام
وربي لتكرهي العالم كأنك كارهه دينك

تعالي شوفك فعولك أسيرٍ مابقى إلا عظام
بعد ماكنت متعافي .. أحب الرأس وجبينك

أبثبت للزمن واقول ترى حنا مازلنا خصام
بعد غدر الحبايب لي توُلم ربي يعينك

حلفت بحلفي الأول .. وأبي اصدر عليك إحكام
أبيك تقوللي (آآسف) أبوس اليوم رجلينك

وربي لتكرهي حرفي وتعيفي مسكت الأقلام
مثل ماكنت متوقع تبينلي براهينك

كرهتي الحب يامنوه.. كأنك كارهه الإسلام
تشوفيني( سعيدالحال) واشوف الدمع في عينك

© 2024 - موقع الشعر