وين المراجل يا حسافه - أحمد الظفيري

ياللي تقول السيف فينا علامه
ربي خلقنا فوق خيل التلاقي

حنا الرجل فعله سبق في كلامه
واحنا الذي عند المواقف سباقي

حنا القمر لا من مشينا امامه
يقلب بدر غصبن ودلة رواقي

حنا هل الفزعة وطبعن وسامه
ما جاز عن حب الوفا بانطلاقي

يفلان ابي لحظه وفيها ملامه
هذا الزمن ياخي تبدل وشاقي

صار الغلط كلن تلخبط مقامه
وعلومن اول ما لها اليوم باقي

واليوم يا صحبي هياط و فهامه
حتى الفعايل ما بها الا نفاقي

لا من بغيت اللي يفك النشامه
واهل القصايد يمدحونه عناقي

بين المجالس منفتن في عمامه
ومن الحكاوي يشتري بك وساقي

ياللي صقهتونا رياجل وهامه
وين المراجل وقت غيب الرفاقي

وين السيوف اللي كستها الكرامه؟
واهل العلوم اللي تقلط وفاقي؟

وين المراجل يا حسافه وندامه
نحبي على كل الهقاوي شفاقي

© 2024 - موقع الشعر