أحبك كلمه ماهي سر بعيوني

احبك كلمه ماهي سر بعيوني
وحبك صار عنواني ولي ساسي

عيونك من عيون الكون يكفوني
وبك هايم وناسي الناس يا ناسي

طيوفك تشعل اشواقي ويبوسوني
ونثمل شوقنا ونتبادل الكاسي

انا خمري حبيبي وغيره اعفوني
وما غيره تمكن يشعل انفاسي

ربيب الزين جيبوا لي وخلوني
اشمه في ظما دافي شفى احساسي

احس امك وابوك اللي يحبوني
وابي تقولي لهم يسلملي هالراسي

احبك يا ملاك الكون وافتوني
شسوي ليا ضحك؟او اعلن افلاسي؟

دلع فيها طبيعي لا تحدوني
اقول شلون في ليله قوي باسي

ولا غنت يا ويل الحال مفتوني
سوالفها طرب ماتغيب مجلاسي

تعال ارسم حروفك واشعل جنوني
وصدري لك ترى يا زين كراسي

وقلبي لك ترى ميدان وتموني
على روحي وفي قلبي الغلا ماسي