بعيوني الثنتين شفت أمنياتي - فهد فيحان العتيبي

أحيان أحس الضيق مالي حياتي
ولابوجهي باب ياخوك مفتوح

ضاقت عليه من جميع الجهاتي
واليا انقضى ساموح حييت ساموح

عرق الحزن يصب دمه بذاتي
وعرق الفرح فيني له إسنين مسفوح

أرفع كفوفي وأطلب الله مماتي
وأستغفره واتوبله عن خطاء الروح

زميت حملن كل ما روح واتي
معي معي وأخاف لا أطيح مفضوح

أثقل عليه من جبال السراتي
عيا يزيح وخافقي منه مجروح

بعيوني الثنتين شفت أمنياتي
ألي عصفها الريح وأنشلعت بنوح

أهي تبيني لاكن الريح عاتي
وانا ابيها وانتهى الكل مطروح

لاتقوللي وإن قلتلي وش طراتي
اقول مابه شي يستاهل البوح

الوقت دائر مثل دور الرحاتي
والعمر يمشي وله نهائيه ونازوح

لو تجتمع قومي ميات المياتي
ماعدلت ما يكتبه ربي بلوح

لاكنك أدعلي بصبر وثباتي
غير الدعاء مابي من الخلق مصلوح

© 2024 - موقع الشعر